Pick Up Ford a perde control y kibra cura di cas na Pos Chikito

Pos Chikito – Diasabra marduga algo pasa di 2’or polis a bay pariba di Tele Aruba, pasando e bocht.
Na e sitio polis a haya un pick up Ford, cu a perde control bolter y cay bek ariba su wielnan.

Durante cu esaki a pasa, e auto a kibra un cura di cas.
Den e auto tawata tin dos persona.
Un di nan lo a bira malo y polis a pidi ambulance mirando cu un rato prome e lo a perde conocimento.

E chauffeur a wordo deteni na e sitio pa motibo di tawata stuur bou influencia.
Ela wordo hiba warda di Santa Cruz pa test.

Ambulance a bay direccion Hospitaal cu e pasahero.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.