Pick up a bolter na Jaburibari, no tawata tin hende herida

Jaburibari – Diabierna anochi pa mas o menos 11:30, polis di trafico a wordo manda ariba e caminda di Jaburibari pa un accidente.
Informacion cu a drenta tawata papia cu un auto a drenta un cura di cas, y despues bolter.

Na yegada di patruyanan e ocupante tawata pafo di e auto y no tawata herida.
Tambe e no tawata desea asistencia di ambulance.

E auto un pick up, pa un of otro motibo a baha caminda dal contra un cura di transha pa despues bolter.
Caminda a wordo cera, pa motibo cu e pick up tawata mey mey di caminda.

Polisnan a laga e chauffeur supla, pero tur cos tawata ok. Pues e chauffeur no tawata bou influencia di alcohol.

Takelwagen a presenta pa por a lanta e auto, pa asina trafico por a sigui ariba e caminda.

Hopi biaha bo ta scucha di habitantenan cu ariba e caminda eynan, autonan ta core hopi duro.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.