Personanan bisti cu mascarada den auto, a pone varios patruya bay parkeer plaats di Tropicana casino

Diaranson mey anochi, polis ta haya informacion di un auto staciona ariba parkeer plaats di Tropicana Casino.
Segun un persona cu a caba di traha, elo a mira algun persona den e auto cu maskarada bisti.
Security di e hotel mesora a dicidi pa avisa polis.
E personanan den e auto despues a baha y a cana bay La Cabana, esta unda e cambernan ta.
Mirando cu tin basta atraco ultimo dianan, varios patruya a bay e sitio. Mes ora nan a cuminsa busca e personan cu e descripcionnan haya.
Den e auto polisnan berdad a bin haya un mascarada color blanco, bou un di e sientanan. Tambe nan a haya un hoodie (sweat shirt).
Algun rato despues un di e patruyanan a localisa e personanan cu lo tawata cu e auto. Tawata trata di algun hoben.
E hoben a admiti cu e auto ta dje y cu elo a caba di cumpre, y cu e tin e comprobante na cas.
Ela splica polis cu berdad e tin e mascarada den e auto, pero cu elo ta pa e temporada di Halloween.
Polis di su banda a splike si e sa di e atraconan ultimo dianan, y cu cosnan asina por hincabo den problema serio.
E auto a wordo hiba warda di polis cu takelwagen, door cu su papelnan no tawata na ordo.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.