Pelea entre doño Supermercado cu un mucha homber pavia di un botter di Glacial

Weststraat, Oranjestad: Diamars den careda di 11’or y 15 di mainta, presencia di polis ta wordo pidi cu urgencia pa un pelea. Na prome instante a bisa cu ta den Chilistraat,  despues cu ta den Braziliestraat y na ultimo un patruya di polis ta bin topa cu e problema na e Supermercado Win Lee den Weststraat. Na yegada polis ta bay papia cu ambos partido, y ta bin compronde, cu un señora a bay cumpra cos den e supermercado aki, acompañia pa su dos yiunan, un par di morocho mucha homber hoben. Un di e mucha hombernan aki a coy un botter di Glacial y ora e chines a bisanan pa nan warda un rato, e muchanan aki a pusha e chines, pa nan sali, eynan a start un pelea. Despues cu polis a revisa e camara di seguridad, enberdad por a mira cu un di e mucha hombernan aki a horta un botter di glacial,  ela cora bay cune. Polis a cana hunto cu e mucha homber bay busca e botter di Glacial na unda ela sconde, esaki tabata den un caya mas pabou den un caha di carton den mondi. Despues di a entrega esaki bek, e chines a dunanan nan caha di cornflakes. E chines no tabata desea di entrega keho, pero si ela pidi pa e muchanan aki  nunca mas drenta den su Supermercado.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.