Pa prome viaha a takkel e auto cu e curpa den dje… Algo cu ta considera inusual

Den e caso di Lox Sing na Paradera, unda diadomingo mainta a haya un curpa sin bida den un auto, staciona dilanti di e supermercado,  autoridadnan a dicidi pa laga takkel e auto cu e curpa aden, pa un sitio unda polisnan por haci mihor investigacion.

Casonan asina ta rekeri un investigacion profundo, unda ta colecta tur sorto di samples, tur sorto di fingerprints, cualke obheto, of te hasta ta sortia cabeynan cu por haya.

No ta usual cu a takkel e auto cu e curpa den dje, pasobra na tur otro caso,  e trabao investigativo a wordo haci na sitio mes.

Sinembargo, e posibilidad mester ta existi cu por haci esaki den un lugar trankilo, cual ta tuma tempo, y kisas por tuma hasta 12 ora mes, prome cu nan keda cla di colecta tur informacion.

Manera ta conoci,  un testigo a informa nos medio, cu ya pa 12.or di anochi e auto tabata staciona na Lox Sing Supermarket.  El’a cana bay cumpra sigaria los, y a tende e homber ta pidiele ayudo.  Como e ta hende muher, el’a haya miedo pa aserca,  pero a bay conta algun hende homber eybanda.

Djey el’a bay drumi y pa 4.or ora el’a spierta, ainda e auto ta eynan, pa cual poco mas despues a bati alarma pa un homber morto den auto.

Segun e testigo, el’a mira e homber mara cu waya di charger.  E no a spesifica nada mas ki sorto di waya di cua tipo di charger.

One comment

  1. E testigo ocular ta e prome sospechoso: si bo mira algo pafo di normal, y abo ta hende normal, instinto ta bisabo YAMA POLIS

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.