Otro atraco arma mas, e aña aki lo por bay kibra record manera cos ta sigi

Driemasterstraat – Diabierna anochi den careda di 8’or un biaha mas ta drenta informacion, di un otro atraco arma. Esaki ta sosode ariba un luga di loteria.
Unda cu bo bira e tema cu mas ta wordo papia di dje ariba e isla aki ta e palabra aki, esta ATRACO. Hopi hende tin hopi miedo mes, paso nos niun no sa ki ora ta toca turno na un di nos of un famia.

Señora Rasmijn vocero suplente di cuerpo policial a dune e siguiente relato :

“Pa mas o menos 8:05 di diabierna nochi central di polis a haya un jamada cu un rato prome un atraco lo mester a tuma luga riba un lugar di number na driemasterstraat. Na jegada di patrouille e señora bendedo di number ta conta cu un rato prome dos hende homber color licht bruin a drenta e lugar cu un arma di candela y a bai cu mas o menos 2000,- y algun pertenencia di e señora. Un di e sospechosonan tawata tin sweater preto y carson largo mas un petchi bisti y un zonnebril . E otro tawata tin un sweater preto y un bermuda . Nan a papia spaño y NO tawata tin cara tapa. Nan a bai foi di e luga na pia. Atraco team a presenta y a cuminsa cu e investigashon di biaha . Slachtoffer hulp tambe a presenta y tambe a opta pa jama ambulance mirando cu e señora no tabata sinti su mes bon. Ambulance a presenta y a hiba e señora hospitaal . Nos di Cuerpo Policial ta pidi ken cu por a wak algo jama tiplijn di polis 11141”.

Pues den relato nos ta wak cu un di e atracadornan tawata tin zonnebril bisti durante e atraco, dos dia prome esta diaranson un di e atracadornan cu a drenta un luga di loteria na Catiri, tambe tawata tin zonnebril bisti y tambe a papia spaño.

Leave a Reply

Your email address will not be published. Required fields are marked *

*