No tin ningun indicacion cu tin alerta nobo pa Zika na Aruba; ta trata di un confucion y noticia bieuw.

E noticia cu Merca lo a emiti un alerta di viahe pa Aruba dor di Zika,  por ta trata di un confucion y di un noticia bieuw.  Manera e website Mericano mes ta bisa y splica,  cu e alerta di Zika aki a wordo imponi na Febuari 2016, ora cu e tempo ey,  autoridadnan competente a informa cu tin algun caso di Zika registra na Aruba.  E momento ey a pone Aruba na nivel number 2.

Remarcabel y cuestionabel ta e hecho, cu mientras hopi otro pais a manda termina e “alerta”,  pais Aruba y su departamento di Salud Publico parce cu nunca a meld af e alerta aki,  cual a haci cu e noticia aki a keda aparece riba e website,  creando asina panico o precupacion innesesario pa turistanan cu kier bini Aruba.

Di otro banda,  nos expertonan den IT a informa nos cu debi cu dia 7 di Augustus 2018,  e webiste a emiti un noticia riba Zika, cu tin di haber cu e babynan cu ta wordo monitorea,  a causa cu henter e pagina di Zika riba e website a haya un “update”,  cual a origina dor di un noticia cu nan a emiti y a incorpora den e pagina di Zika.

Pues, te cu awor,  no tin ningun pero ningun indicacion cu tin un alerta, of alarma nobo pa Aruba pa Zika, y Departamento di Salud Publico tampoco sa nada di esaki.

Pues, por ta trata di un noticia confuso y di un noticia bieuw!    Sinembargo nos redaccion lo keda enespera di un acalaracion di Salud Publico riba e tema aki como tambe pa nan splica dicon nunca nan a meld af e issue aki na e instancia concerni, manera tur otro pais si a haci.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.