No ta accepta ningun condicion nobo pa impone un norma pa personal den ley di CAFT

Parlmanetario Endy Croes durante su disertacion den parlamento di Aruba tabata hopi fuerte riba un acuerdo of norma cu Hulanda y CAFT kier impone riba Gobierno di Aruba y ta kere cu esaki lo wordo accepta sin mas dor di su persona of dor di Parlamento di Aruba.

Segun Endy Croes a splica, cu den e ley nobo di CAFT cu mester drenta na vigor di 2019 pa 2022, Hulanda lo kier introduci un otro cuadro di gastonan di personal.  Haciendo esaki, Hulanda un bes mas ta mete den asunto interno di Aruba, pasobra na 2015 ya nan a haya nan kier pa impone un norma riba e presupuesto.

Endy Croes a splica cu lucha di Betico a bay a costo di sanger sodor y lagrima y dia 27 di Augustus 2015, Mike Eman a secuestra su parlamentarionan pa vota pa e ley di CAFT.

Awor ta dimas, pa kere cu por bolbe bin impone mas cuadro finaciero.

Den parlamento Endy Croes a bisa cu e kier pe mensahe aki yega Hulanda, Tweede Kamer, presidente di CAFT como tambe e Minister Hulandes concerni:    No traha acuerdo, impone acuerdo y kere cu parlamento di Aruba ta “teken bij het kruisje”.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.