Nissan Silvia a drift y despues perde control dal contra palo di luz

Calabas – Diahuebs anochi den careda di 11:45 polis a bay Calabas, pa un auto cu a dal contra un palo di luz.

 
E chauffeur lo no tawata kier pa a yama polis, y prome cu polis a yega segun habitantenan elo a core bay direccion nort.
 
Na e sitio nos a compronde di e habitantenan cu e auto Nissan aki tawata biniendo di pabou.
Elo tawata core cu velocidad halto, y dado momento a perde control y kita bay na su man robes dal e palo di luz.
 
Mes ora coriente a bay den un area grandi di Calabas y esaki a afecta te rotonde di Tanki Leendert bay nort.
 
Polisnan a bay busca unda e hendenan lo a mira e chauffeur bay sconde, pero no a logra haye.
Elmar a wordo avisa pa asina drecha e coriente cu a bay.
Takelwagen a ser pidi pa a hiba e auto warda di polis.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.