Na Zeewijk, San Nicolas Cas a kima completo

Na Zeewijk, San Nicolas:

Cas a kima completo

Dialuna algo prome cu 11’or y mey di anochi, na Zeewijk, algun meter leu di e Kazerne di brandweer, un patruya di polis a topa cu un cas completamente na candela. Mesora a pidi Brandweer cu hopi urgencia, mirando cu e candela tabata menazando e casnan na banda caba.

Polis na e sitio a pidi brandweer cu urgencia y tambe a pidi pa mas patruya, pa asisti nan, mirando e grandura di e candela. E habitantenan di e cas na banda a cuminsa teme pa si e candela coy nan cas tambe.

Slachtofferhulp tambe a wordo pidi na e sitio, pa e habitante di e cas cu a perde tur su pertenencianan den e candela feroz aki. E cas na banda tambe a sufri basta daño di candela.

Polis tabata tin caminda cera y brandweer a combati e candela. Un candela feroz cu di for Savaneta caba por a mira e huma cu tabata bay halto.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.