Na honor di Camilo Sosa Diadomingo awor lo tin un Caminata pa Paz’

Na honor di Camilo Sosa diadomingo awor lo tin un Caminata pa Paz’

Famia- y conocirnan di Camilo Sosa ta organizando un Caminata di Paz na su honor y esaki ta tuma lugar diadomingo awor 28 di Oktober na Palm Beach. Mester bisa cu ainda no tin pista di e asesino di e hoben Camilo Alejandro Sosa, esta Ryan Paskel, Na comienzo di September Sosa a keda hinca mortalmente pa Ryan Paskel na e area di hot zone na Palm Beach. E sospechoso ainda ta fugitivo.

E caminata ta sali 5’or for di e Rotonde di Ritz Carlton, sigui direccion Marriott, Palm Beach Plaza, High Rise Hotels y ta caba na altura di Strand politie/ Riu Antillas.

Famia a pidi pa tur hende bin bisti na blanco. E caminata ta pa concientiza tur hende di e situacion, y cu cosnan no por sigui asina. E famia di e hoben no ta nada contento y manera a priminti, lo no para keto. Y esaki ta un di e accionan cu nan ta tuma, pa no laga memoria di nan yiu stima bay perdi.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.