Muhe tawata sigui su pareha y a causa accidente serio na Paradera

Paradera – Diadomingo atardi polis t ambulance a bay altura di Anytime Bar Restaurant, caminda un accidente cu hende herida a sosode. Na e sitio polisnan ta topa cu un Toyota Yaris color cora y un Kia Ceratto, ambos auto leu di otro.

Na e sitio por scucha varios version, pero loke por a conclui ta cu e dama aparentemente tawata tras di un in persona cu e tin of tawata tin un relacion amoroso cune.

Den su ansha pa sigui e auto e lo a bay haci un maniobra y ta dal na banda di un vehiculo cu tawata bayendo direccion di Playa.
Ambos auto a kibra hopi.

Ambulance a transporta e dama pa hospitaal, mirando cu e lo a dal su cabes. Polis a confisca ambos auto, esta di e pareha cu tawata persigui otro.

Leave a Reply

Your email address will not be published. Required fields are marked *

*