Muhe cu a horta den supermarket deteni, e persona aki ta ariba camara di seguridad ora e tawata horta

Shiribana – Diasabra mainta den careda di 11’or polis a bay na e cas conoci pa nan, situa pabou di Subway.
Informacion a drenta cu na e adres tin un persona no desea.

E cas aki situa pabou di Subway ” Paradera”, ta un cas conoci pa bendemento di droga y mas cosnan ilicito.
Loke a pasa ta cu e dama aki a bay cumpra droga
( piedra), aki nan algo a bay robes y a start un problema.

Na yegada di polisnan, pa nan sorpresa tegenover di Subway den e mondi, nan ta topa cu e muhe aki y ta resulta cu tin opsporing pa su persona.

E muhe aki lo a aparece ariba Camara di seguridad di un Supermarket, momento e tawata horta. Na e sitio ela admiti na polis cu ela horta, pero tawata pa cria su 4 yiunan cu aparentemente no tin cuminda.

Autoridad hunto cu Voogdijraad a yega caminda e biba na Tarabana, pero no a haye. Esaki a sosode ayera.
Esakinan ta un di situacionnan social lamentabel cu nos mester trece dilanti.
Caminda cu e mama pa un of otro motibo tin problemanan social y emocional ta bay horta y ta recuri na uso di droga tambe.

E parti positivo ta manera ya nos a bisa, Voogdijraad ta na altura y mester actua pa proteha e cuatro muchanan.
Ban spera tur cos bon pa e criaturanan y spera cu e mama hoben aki por wordo yuda.

Leave a Reply

Your email address will not be published. Required fields are marked *

*