Mucha di 9 anja cera den apartamento

Pos Abou: Diadomingo algo prome cu 1’or di merdia, mama preocupa ta bati alarma pa su yiu muher di 9 aña cu  e tata a lag’e su so, cera na yabi den un apartamento na un adres na Pos Abou.

Polis y mama a bay na e apartamento aki y enberdad nan ta topa cu e mucha su so cera, na yabi paden di e apartamento. Polis a tuma contacto cu e tata y a pidi’e pa e bin mesora pa habri e porta  pa nan por saca e mucha.

Aparentemente esaki no ta prome biaha cu e homber ta haci algo asina, ta varios biaha e tata ta haci esaki. E agentenan policial mesora a pidi gtambe pa presencia di Voogdijraad.

Polis mes a logra saca e mucha for di bentana.

E mama tin e Voogd di e mucha y e tata tin un areglo di bishita cu e mucha.

Polis a hiba e mama y yiu for di e sitio.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.