Motociclista seriamente herida na su cabes, despues di accidente na Cumana

Cumana -Diasabra anochi den careda di 11’or un accidente entre un Harley customized y un Hyundai SUV ta tuma luga.

E brommer bayendo direccion Ex Codemsa ta haye confronta cu e SUV Hyundai blanco, momento cu e auto a bira na su man robes pa drenta e caya.

Segun chauffeur di e SUV e no a wak e brommer at all.
E motociclista ta keda seriamente herida na su cabes, e tawata na tino y por a papia pero si cu un golpi fuerte na su cabes.

Polisnan di trafico a cera e area un rato pa asina haci nan investigacion.
Ambulance mientrastanto a prepara e motociclista y transporte cu urgencia pa hospitaal.

Leave a Reply

Your email address will not be published. Required fields are marked *

*