Motociclista herida den accidente na Tanki Leendert

Tanki Leendert – Diahuebs mainta polis a bay e crusada pabou di Misa di Tanki Leendert, pa un accidente entre un scooter y auto.

Na yegada di polis y ambulance, nan a topa cu e motociclista ariba acera drumi y tawata herida.
Por a mira un Nissan Sylvia tambe para na e sitio.

A resulta cu e Nissan Sylvia biniendo di nort, a haya un chance pa subi e caminda.
Loke e chauffeur di e Sylvia posiblemente lo no a mira, tawata cu tin e scooter biniendo.

E scooter no por a evita y a dal contra e Sylvia, heridando su mes.
Personal di ambulance na e sitio, mes ora a prepara e motociclista y a transporte pa Hospitaal.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.