Molotov Cocktail tira riba un auto, cu intencion di kima esaki

Palm Beach: Diahuebs den oranan di madruga polis ta wordo pidi pa bay cu urgencia na un adres na Palm Beach, pa motibo cu habitantenan lo a mira un ladron den nan cura di cas.

Na yegada polis ta bin topa cu e habitante, kende ta splica polis cu ela scucha basta desordo den su cura y a bay mira paso y a topa cu e auto di su amiga na candela, mesora ela cuminsa paga e candela cu awa y a logra paga e candela. Despues cu a bin topa cu un botter, a bin comproba cu ta trata di un Molotov Cocktail y cu e candela tabata intencionalmente cendi pa kima e auto, pero e intento a fracasa na momento cu e habitante a sali pafo despues di a scucha un desordo den su cura di cas.

E agentenan na e sitio a confisca e botter cu a keda intacto y asina departamento technico di polis por haci mas investigacion.

Leave a Reply

Your email address will not be published. Required fields are marked *

*