Mitsubishi Lancer a perde control y ranca cantidad grandi di cadushi y aloë

Barcadera – Diasabra marduga algo prome cu 1’or patruya di Santa Cruz ta topa cu un auto cu a accidenta.
Esaki tawata ariba e caminda cu ta core entre rotonde Sero Tijshi y bay caba na Barcadera.

Muy probablemente velocidad halto, a causa cu e chauffeur a perde control ariba su Mitsubishi Lancer.
Den e incidente e auto ta kita bay na su man robes y ta subi ranca y destrui basta cadushi y aloë, pa despues bay para ariba e caminda cu ta bay nort.

Por a wak cu e impacto tawata uno duro door cu e windshield a kibra, pero asina mes e chauffeur no a sufri niun lesion.
Loke nos tin di para keto un rato ta lo siguiente.

Gran parti di e Green Corridor ta consisti di e mes un separacion aki, esta un sero di tera cu cadushi y aloë.
Esaki ta un voorbeeld cu facilmente un vehiculo cu velocidad halto ariba e otro banda di caminda, por perde control completo y crusa dal un auto bayendo otro direccion.

Pues e separacion aki no lo yuda mucho, pa kibra of stop e vehiculo di bay ariba e otro banda di caminda, cu consecuencia un accidente hopi serio.

Leave a Reply

Your email address will not be published. Required fields are marked *

*