Minister di Enseñanza, sr. Armando Lampe: COLEGIO TOETS’ TA WORDO REEMPLAZA CU ‘NACIONALE TOETS’  Futuro di nos muchanan lo wordo basa riba nan trayectoria di estudio

Minister di Enseñanza, sr. Armando Lampe:

COLEGIO TOETS’ TA WORDO REEMPLAZA CU ‘NACIONALE TOETS’

Futuro di nos muchanan lo wordo basa riba nan trayectoria di estudio

Minister di Enseñanza, sr. Armando Lampe recientemente a anuncia algun cambio cu lo wordo haci den e ultimo fase di e aña escolar aki. E cambionan aki ta facilita enseñanza pa tur mucha na Aruba y sigur lo duna mihor resultadonan pa e desaroyo di nos muchanan.

Un cambio importante ta un ‘Nacionale Toets’ pa tur mucha. Cu e introduccion di e ‘toets’ aki, Colegio Toets lo keda elimina. Tur mucha di tur klas 6, lo haci e mesun toets. A base di un norma nacional lo dicidi cual mucha lo ta un candidato pa Colegio, pa Mavo of pa EPB.

Minister Armando Lampe a indica tambe cu si un mucha tin un trayectoria di estudio na school basico cu por cu e reto di Colegio pero no a pasa e normering di e toets, toch lo mand’e Colegio, teniendo cuenta cu un toets ta un ‘momentum opname’.

Pa un of otro motibo e mucha no a pasa e toets, entre otro lo e no tabata sinti’e bon di salud e dia ey, of circumstancianan na cas a haci cu e no pasa e toets. Den casonan asina lo tene cuenta cu e trayectoria di con e mucha a eherce den school basico.

Minister Lampe: “No por basa e futuro di un mucha riba un ‘momentum opname’ sino riba su logronan durante school basico”.

E titular di Enseñanza ta indica cu e implementacion di e ‘Nacionale Toets’, lo tin como consecuencia cu lo tin mas mucha tambe cu lo por bay Havo entre otro. Preparacionnan ya caba ta wordo haci pa e fluho extra di hobennan cu esaki ta bay trece na Augustus 2019 na e diferente nivel di schoolnan na Aruba.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.