Minister Dangui Oduber: Control riba supermercadonan ta bayendo hopi bon y lo sigui aumenta!

Minister Dangui Oduber:

Control riba supermercadonan ta bayendo hopi bon y lo sigui aumenta!

Manera ta conoci caba durante henter e aña trahadornan di Dienst Warenkeuring en Hygiëne di departamento di salud publico ta haci control rutinario na diferente supermercadonan. Te cu aworaki a haci control riba 92 supermercado cual 54 ta ubica na Noord, 15 na Oranjestad, 10 na Santa Cruz y 13 na San Nicolaas. Mester bisa cu a wordo constata cu mas y mas e supermercadonan ta tene cuenta cu rekisitonan di higiena. E cantidad di supermercadonan cu ta wordo sera a conoce un reduccion.

Di e 92 supermercadonan cu a wordo controla, solamente 3 a wordo sera pa 48ora, 5 pa 24ora y 2 pa menos di 8ora.

Supermercadonan ta bira hopi mas consciente di e importancia di higiena locual sin duda mester ta un prioridad na momento cu bo ta maneha un supermercado. Na ningun momento nos por hunga cu salud di hende. Minister di Salubridad Sr. Dangui Oduber lo keda monitoria e controlnan aki pa asina salvaguardia e salud di e ser humano.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.