Merca a impone un otro impuesto di 25% riba productonan Chines y China ta contesta mescos

Dia 23 di Augustus e impuesto nobo di 25% di inverrechten lo drenta na vigor.  E lista nobo aki ta raka 16 miljard dollar di mercancia cu China ta exporta y wordo imorta na Merca. 

E tarifanan nobo,  ta bini como adicional riba e mercancianan di 34 miljard dollar cu ya a wordo imponi e 25%.  Ta trata aki di 279 producto cu ta cay bao di e lista nobo aki di import.

Bao di productonan aki,  tin electronica Chines, plastic, chimico y metal cu ta wordo usa pa traha o mantene railroads.

Merca y China ya tin algun tempo caba den clinch cu otro den e guera economico.  Manera Merca claba mas porcentahe di importacion riba productonan Chines,   China ta contesta bek den mes un tono,  clabando porcentahe halto riba mercancianan cu ta bini di Merca.

Donald Trump a menasa den pasado di lo impone un tarifa di 25% riba mercancianan cu ta wordo importa na Merca for di China, na un valor di 200 miljard di mercancia.

Como contesta,  China a laga sa cu nan ta cla cu un tarifa nobo pa importacion di productonan Mericano, na un valor di 60 miljard dollar.   E pakete nobo di China lo encera producotnan manera gas, material pa traha avion, carni y condoom.

Pues, entre e productonan aki,  Merca ta bende cu China 60 miljard dollar y riba esaki China lo claba tambe 25% di importacion.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.