Marlon Croes di DOW ta abusa di Arubiano Gibbs; a oblige kita su kiosko pasobra no tin bouwvergunning

Director di DOW mester bin splica..

* Persecucion na ordo di dia contra Jean Paul Gibbs, yiu di Tekla Gibbs dfm

Ningun casita di palo di Lotto tin bouwvergunning, pues ta persecucion

Director di DOW, Sr. Marlon Croes tin hopi cuenta pa rindi pa loke ta trata su maneho.  Tur cos ta mustra den un persecucion politico contra JeanPaul Gibbs, kende ta un politico afialia na MEP.  Pa su afiliacion politico, por mira cu Gobierno di AVP, bao ordo di Benny Svinger no kier lage na pas.   Nos tur conoce caba di su kiosko cu a wordo basha abao contra tur regla, unda te hasta huez a bergonza Benny Svinger.

E situacion awor ta asina, cu JeanPaul a pone un kiosko riba e parkeerplaats dilanti di Kowloon, pe por sigui cu su negsohi.   Apenas tres dia cu el’a pone e kiosko riba tereno eigendom,  ya caba Marlon Croes di DOW a cuminza molesti’e.

Diripiente ta pidi Gibbs pa un bouwvergunning pa su kiosko.  Ta ki maneho esaki ta?  Dicon ta sigui maga cu Gibbs, siendo cu na Aruba tin mas di 300 kiosko di Lotto, gespart rond Aruba y ningun no tin bouwvergunning?

Esaki pues ta nada otro cu keda teima cu Gibbs, riba ordo di minister.      Nos ta lamenta con Marlon Croes ta presta su mes pa hiba un persecucion politico riba un solo persona.

Mas tristo ta cu tata di Gibbs,  Tekla Gibbs den felis memoria, ta un campanjador di primera fila di AVP!  Awe si Gibbs ta na bida,  sigur e lo a pasa Mike, Benny y Marlon un wanta, pa nan abuseria cu nan ta comete contra JeanPaul.

Tanto na Mike, Benny y Marlon, nos ta bisa,  boso no tey pa semper den e posicion ey y ora bo haya e oportunidad pa sirbi pueblo,  bo mester haci’e pa tur.

Nos ta opina cu DOW merece mihor y un director cu ta sirbi un agenda politico, mas cu claro lo mester re evalua su posicion!

Debi na tanto obstaculo,  Gibbs a dicidi di laga move su kiosko y awor el’a bay sinta na cas tambe, sin entrada,  pasobra Arubiano manera Marlon Croes, enbes di yuda otro, kier frega otro.

Si tabata den cura di cas na Tanki Leendert,  unda Marlon Croes ta campa tur anochi nan a pone kiosko,  nos ta sigur cu lo no tin ningun hende cu lo por a kita e kiosko di su 2ndo cas.

Leave a Reply

Your email address will not be published. Required fields are marked *

*