Maltrato na Jaburibari, hoben agredi despues di wega di futbol ariba veld di Caiquetio

Jaburibari – Dialuna anochi polis a bay altura di Parke Curason na Jaburibari, caminda cu un hobencito di 15 aña lo a wordo maltrata.

Tur cos a cuminsa durante un wega di futbol dialuna anochi, ariba e veld di Caiquetio na Paradera.
E teamnan cu a participa tawata S.C United (Ex Jong Aruba) y team di Bubali.
E wega no a bay den un bon ambiente, mirando cu ambos banda tawata hungando bruto.

Referee aparentemente a wordo bisa varios biaha pa actua, y si mester parti carchi cora haci esey pero pone ordo. Loke lamentablemente lo no a sosode.
No ta mucho duidelijk si e wega a caba of mirando cu cos no tawata bayendo a stop e.

E mucha homber herida, segun e Coach no a ni hunga y no tawata tin nada di haber den ningun problema.
Caminda pa nan cas mirando cu nan lo no tin auto, esta e victima y un amigo ta wordo sorprendi pa un of mas hungado di e team oponente.

Tur esaki a tuma luga altura di e kashi di coriente na Parke Curason. E agresor y algun persona mas a sconde tras di e kashi coriente y momento cu e hoben aki y su amigo tawata pasando nan a sali aribanan.
Cu un baranca e ta dal e hoben di 15 aña den su cabes y segun testigonan esnan cu tawata hunto cu e agresor tawata tin cuchiu den man.

Ora e hoben a haya e baranca ela cana bay pariba di caminda y drumi ariba yerba wardando ayudo, ariba e yerba por a wak basta sanger.
E hoben agresor di e otro team lo ta un persona problematico, y ta varios biaha lo a wordo geschors pero no ta cambia.

Arubaanse Voetbal Bond mester mester actua contro e hungado aki, cu a bay asina leu di agredi un otro hungado pa motibo di ta onsportief y problematico.
Kiko lo a pasa si ela mata e hoben aki ?

Kiko e caso aki lo wordo considera ? Departamento tecnico di polis tambe a presenta, pa asina saca potret.
Nos a compronde cu ultimamente tin hopi problema di agresion durante weganan di futbol.

Leave a Reply

Your email address will not be published. Required fields are marked *

*