Lyonel Dirksz lo presenta Conteo 95, ariba e ultimo diabierna di 2016

Radio Top95 ta presenta pa 22 aña consecutivo su tradicional conteo di e mihor cancionan di aña.

Conteo di Top95 pa algun aña caba ta wordo presenta y produci pa Lyonel Dirksz. TopFM ta cambia di formato diabierna 30 december y duna espacio pa un produccion grandi di radio cu ta cuminsa desde 9am te cu 10pm. Durante e conteo tin pronostico di e 12 signonan zodiacal, noticanan di mas impactante di aña 2016, diferente reconocimientonan, y entrevistanan.

Como gradicimiemto e programa ta carga cu premionan fabuloso di diferente casnan commercial cu durante 2016 a sostene e emisora.

Conteo Top95 lo ta live atravez di Top95, radio Dushi na Hulanda, Facebook y Live riba canal 22.

E produccion conteo 95 lo ta yena cu sopresa, shownan di baile, y hopi ambiente.

Un invitacion special pa ta den sintonia diabierna 30 december di Top95 cu e mihor cancionan di aña 2016 te ora cu presente posicion di honor cancion nr.1 di aña.

 

 

 

Leave a Reply

Your email address will not be published. Required fields are marked *

*