Ladron di auto a core laga auto atras, ora ela spot polis

Mahuma – Diahuebs marduga patruya di Santa Cruz ta topa cu un pick up long bed color blanco, mey mey caminda.
Mes ora ela haya nan atencion.

Banda di e pick up tawata tin un hende homber para cu un machete den man, pero manera ela wak polis ela cuminsa core. Ela core drenta un cura y despues desaparece den un mondi, lagando su machete y slofnan atras.

Polis a bay controla e papelnan den auto, mirando cu e no tawata tin plachi number ariba dje. A resulta cu e auto ta pertenece na un adres eybanda mes, na Mahuma.
A bay e adres y puntra e habitantenan si e auto ta di nan y nan kiermen cu si y cu e tawata staciona eynan algun rato prome. Indicando cu nan no tawata na altura cu e auto a wordo horta.

Polis a avisa nan kiko nan mester a haci, pues pasa warda y haci denuncia na departamento di Joy Riding/ Ladronicia.

Leave a Reply

Your email address will not be published. Required fields are marked *

*