Kiwanis Club of Young Professionals tin un Presidente Femenino y Board of Directors nobo

PRESS RELEASE

FOR IMMEDIATE RELEASE

Kiwanis Club of Young Professionals tin un Presidente Femenino y Board of Directors nobo

Oranjestad: Durante un ceremonia oficial y acompaña pa differente otro club di servicio e anochi aki, Kiwanis Club of Young Professionals Aruba (KYPA) a instala su di 8 directiva. E directiva aki ta cla pa sigui yuda nos muchanan y tambe comunidad di Aruba manera cu KYPA a bin ta haci pa varios aña caba. Como Presidente di e club pa e aña Kiwanistico 2018-2019, a keda instala Sherellise Ras, cual mester remarca cu ta bira e segundo ser femenino cu ta presidi e club. Banda di esaki, tambe a instala Vice Presidente y Secretaria: Iliën Hernandez. Como parti di e board nobo tambe ta ocupa un posicion e “Incoming” president y tesorera: Lativa Maduro y ta duna espacio na e Presidente saliente: Randy Croes pa tambe forma parti di esaki un biaha mas.

Na mesun momento, durante e ceremonia di intalacion, KYPA a conoce su “Board of Directors” nobo kendenan ta na cabes di differente comision den e club pa asina por haci e projectonan di KYPA posibel. E Board of Directors ta consisti di: Christine Leo cu tin e tarea di Director of Education, kende ta enfoca riba e parti di educacion y informacion riba diferente tema di Kiwanis y otro tema nan relevante pa e miembro nan. Tambe Carl Quant encarga cu Fundraising, cual tin como tarea pa organisa evento nan pa por genera fondo pa e club por sigui duna bek na e comunidad. Tambe ta forma parti di e Board of Directors: Maurits Ras kende ta lidera e Public & relation comision cu ta encarga pa maneho di informacion na nos comunidad y club en general.

Tyson Lopez kende ta encarga cu e comision di Youth & community cual ta e comision encarga cu realisacion di projectonan pa nos comunidad. Sin laga afo Nylamee Wanga kende ta na cabes di e committee cu ta encarga pa buska miembro nobo pa e club y tambe organisa evento social pa e miembro nan existente cual ta Recruitment & Retention committee.

Pa finalisa e anochi y como sorpresa a instala tres miembro nobo kendenan ta – Nicole Godett, – Sally Warner-da Costa, – Alta Lampe, cu ta haci awor cu e total di miembronan di KYPA ta suma na 32.

Kiwanis Young Professionals ta sumamente orguyoso di su board nobo y su miembronan mirando e capacidad y e gran devocion cu cada un ta demostra pa asina sigui yuda nos comunidad. Finalmente KYPA ta desea e board nobo tur clase di exito pa e aña Kiwanistico 2018-2019.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.