Jeep ta perde control y dal contra mata di kwihi

Rooi Afo – Diabierna anochi algo prome cu 8’or informacion a drenta di un accidente na Rooi Afo.
Na yegada di polis nan ta constata cu ta trata di un auto, cu a bay dal contra un mata di kwihi.

Segun un testigo, e auto lo a slip birando e bocht y posiblemente na luga di primi brake e lo por a primi gasolin y bay dal contra e mata di kwihi.

E otro posibilidad ta cu e chauffeur lo por a bira malo na stuur, door cu e ta un persona diabetico segun esnan na e sitio cu conoce.
Na e sitio e chauffeur a cuminsa bira hopi inkieto y famia a cuminsa bira desespera, paso ambulance tawata tarda.

Parse cu den e impacto e lo a dal su pecho tambe.
Ambulance a yega y ela calma, ela wordo transporta pa hospitaal.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.