Intento di atraco arma ariba Weili Supermarket na Tanki Leendert

Tanki Leendert

Diabierna anochi e compania di Benjamin security ta bati alarma pa un atraco na Tanki Leendert.

Esaki tabata ariba un supermarket chines jama Weili, lo mester tabata un intento di atraco arma. Ariba camara di seguridad por a wak cu ambos homber tabata den posesion di revolvers, segun polis.

E dos hombernan aki cu tabata tin short bisti y cu nan cara tapa, kier a drenta e luga, pero e porta tabata na lock. Despues cu nan a ripara esey, nan a move mes ora bayendo direccion nort. Nan ta subi un auto, pero polis no por a deduci ki tipo di auto e ta.

Polisnan analisando imagennan di e dos atracadornan

Polisnan mes ora a cuminsa para na puntonan “strategico”, por si acaso e atracadornan pasa caminda nan ta.

Door cu nan no a logra drenta paden, no por bisa si ta trata di local of stranhero.

Diferente unidadnan a busca ariba caya, pero no ta logra haya e dos atracadornan aki.

Leave a Reply

Your email address will not be published. Required fields are marked *

*