Imagennan di e entiero conmovedor di Rishandroh y Eugene

San Nicolas: Diaranson a tuma lugar e entiero conmovedor di e dos angelitosnan Rishandroh y Eugene. Den oranan di merdia e curpanan tabata den misa caminda tur hende por a despedi di e dos angelitosnan.

Famianan, conocirnan, bisiñanan, amiguitosnan di scol tur a bin hunto pa despedi di e dos rumannan pa semper. Hopi lagrima a wordo derama, muchanan y hende grandi tabata yora mirando cu e dos criaturanan aki a perde nan bida door di abuso di mucha. Varios persona tabata tin un t-shirt bisti, dilanti tabata skirbi “Mami y papi stimanos, no maltratanos” y cu cara di e dos angelitos riba dje. Patras tabata skirbi stop abuso di mucha y un potret di Cookie Monster blauw di Sesame Street.

Nos por a mira varios mandatario di pais Aruba, entre otro su Excelencia Minister President di Aruba, Sra. Mr. Evelyn Wever Croes kende a hiba palabra, Minister Mr. Andin Bikker, Minister Glenbert Croes, parlamentarionan Drs. Marisol Lopez Tromp y Alan Howell. Famia a gradici gobierno di Aruba pa nan cooperacion y sosten den e momentonan asina dificil.

E tabata un entiero hopi tristo cu sigur jamas nos lo por lubida, despues di e sacrificio di misa, e dos curpanan a wordo hiba na nan ultimo lugar di sosiego na Santana Catolico na San Nicolas.

Leave a Reply

Your email address will not be published. Required fields are marked *

*