Hyundai Van a dal tras di Nissan March

Caya Apolinio Werleman, Santa Cruz – Dialuna mainta polis a bay Caya Apolinio Werleman na Santa Cruz, pa un accidente cu hende herida.
Na yegada polisnan ta topa cu un Hyundai H1 color preto y un Nissan March color blauw.

Segun nos a compronde na e sitio, e Hyundai Van bayendo pabou no a pone atencion su dilanti y ta dal e Nissan March su tras.

E Nissan March lo tawata bay pa bira, momento cu e Van a dal e.
Chauffeur di e Nissan March tawata keha di dolor di cabes, debi na e impacto duro.
Durante e impacto e Nissan March a bay dal contra un pilar di cas, y pa despues dal e cura di cas mes.

Personal di ambulance cu a yega e sitio a controla e chauffeur eynan mes. Den e March tawata tin un mucha, pero manera mester ta e tawata tin su seatbelt bisti.

Leave a Reply

Your email address will not be published. Required fields are marked *

*