Hyundai Getz a bolter panort di Bushiri Karting, brandweer mester a corta porta pa por a sake

Bushiri – Diadomingo anochi pa mas o menos 8:40 informacion ta drenta cu un auto a bolter, altura di Bushiri Karting.

Unidadnan di rescate di Brandweer tambe tawata na caminda, pa motibo cu a wordo informa cu e chauffeur su pianan lo ta pega.
E accidente a tuma luga parti panort di e pista di Karting.

Loke nos a compronde na e sitio ta cu, e Hyundai Getz color shinishi biniendo di pariba a bay na su man drechi.
Esaki por a mire claramente ariba e caminda di tera.

Na su man drechi e ta dal contra cura di un compania, kibrando esaki.
Despues e auto a dal contra un pilar di beton chikito, cu a pone bolter.

Personal di rescate di brandweer a corta un banda di port, y ela wordo saca.
Paramediconan a tume over e momento ey.

Segun nos a compronde e chauffeur posiblemente lo por tawata bayendo su cas.
Debi cu e ta biba no mucho leu di unda ela accidenta, esta Schotlandstraat cu ta na final di e caminda ey.

E victima a wordo transporta pa hospitaal y polis di trafico a pidi pa takelwagen, cu a hiba e Hyundai Getz warda di Balashi.

Leave a Reply

Your email address will not be published. Required fields are marked *

*