Hyundai Accent ta alcansa peaton na Pos Chikito cu consecuencia fatal

Pos Chiquito: Diadomingo pa mas o menos 10’or y 50 di anochi, Dokter Texier ta constata morto di e victima di accidente fatal na Pos Chiquito, kende tabata yama Luis Carlos Neblies, naci na Colombia dia 30 di Juli 1964.

E dama hoben cu tabata tras di stuur di e Hyundai Accent blanco cu a dal e peaton, despues cu ela ripara cu e homber a fayece, ela bira malo na e sitio y a wordo transporta cu ambulance pa hospital.

E homber a haya hopi sla na cabes y a consecuencia di e golpinan fuerte cu ela ricibi ela fayece.

Despues cu Aurora funeral home a busca e curpa, di e persona cu a fayece, y autoridadnan a caba cu nan investigacion, pa mas o menos 11’or y 40 di anochi polis ta habri e caminda bek pa trafico.

INFORMACION RICIBI DI VOCERO POLICIAL SUPLENTE:

“Diadomingo anochi pa 21:36 central di polis ta haya un jamada cu un auto lo mester a alcansa un peaton na altura di Irian Restaurant na pos chikito.

Na jegada di patrouille ta bin topa cu e victima riba caminda y un hyundia accent numera A-4690. Ta pidi pa ambulance urgentemente mirando e gravedad di e peaton. Ambulance a jega na e sitio di e susedido y a purba re-anime pero lamentablemente no por a haci nada mas.

Pa 22:50 Dr Texiere ta constata morto di Luis Carlos Neblies naci 30-7-1964 na Colombia. Na e sitio a presenta specialista di trafico, BFTO y slachtofferhulp.  Fiscal a laga tuma e curpa di e victima den beslag.  E auto tambe a wordo tuma den beslag pa mas investigacion.

Ambulance a bay cu e dama chauffeur di e auto hospital pe haya tratamento medico mirando cu e la keda den shock. E caso ta bao investigacion.

Cuerpo Policial Aruba ta manda palabra di condolencia na famia di e fayecido”.

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.