Hyunda ta hit and run motociclista na Cura Cabay

Cura Cabay – Diasabra atardi algo prome cu 6:45 patruya di trafico hunto cu patruya di San Nicolas, ta bay altura di J.R Cura Cabay.
Eynan auto lo a hit and run un motociclista.

E situacion di e motociclista no tawata grave, danki Dios. Mes ora prome unidad cu a yega na e sitio a cuminsa busca informacion.
Na e sitio prome informacion a indica cu lo ta trata di Hyundai color di oro y esaki a sigui bay pasa patras di J.R Cura Cabay.
Lamentablemente number di e auto no ta conoci e momento ey. E incidente aki a sosode, momento cu e brommer a bay pasa e Hyundai y esaki net e ora a bira of hala na su man robes, ocasionando e accidente.

Departamento di trafico y tambe ambulance a presenta na e sitio.
Despues di casi un ora, polis a haya informacion pa bay un adres na Savaneta, caminda e persona cu a comete e hit and run lo ta.

Ambulance a bay cu e motociclista hospitaal.

Leave a Reply

Your email address will not be published. Required fields are marked *

*