Hopi hende reclamando nan placa bek di “E Flor”, mientras hopi groupchats a dal cera

Hopi hende reclamando nan placa bek di “E Flor”, mientras hopi groupchats a dal cera

Algun dia pasa “E flor” tabata in, unda hopi hende a wordo acerca y convenci pa pone $100 den un flor, cu e speranza y promesa cu nan turno lo yega pa cobra $800, cual ta equivalente na Afl. 1400.00.

E promesa tabata asina bunita, cu a haci cu hopi hende a dicidi di purba nan suerte pa por cobra e “E flor”. Awor nos a bin comprende cu E flor ta treciendo hopi problema,  pasobra tin hopi hende cu a muha e flor, pero nunca a logra di haya nan flor di $ 800.00. Algun a cuminza perde speranza y te hasta a rabia y a dicidi di pidi nan placa bek.

Chats di Flor riba Whatsapp a cuminza dal cera: 

Awor ta bin sali na claridad, cu hopi chats di Flor, a cuminza desparce for di whatsapp, indicando asina cu loke a cuminza cu hopi amor pa haya un flor, a converti su mes den lamunchi, pues un sabor amargo. Manera cu nos a anticipa,  E Flor ta un ponzi scheme,  pues un estafa cu ta conoci desde 1901, unda ta manera un sorto di “sam”, cu ta keda depende riba un cadena.

Pa e flor sobrebibi, mester keda busca mas y mas hende.  Aruba ta un pais asina chikito, cu apenas e flor dal su prome rond, t’ey mes e ta termina.

Mas cu claro, esnan cu a principia e estafa y esnan cu a habri 30 flor, a sali di bon, pasobra nan si a cobra 30 x $800,  pero esnan cu a drenta despues,  ta esnan cu a muha e flor, pero piki lamunchi.

Un grupo awor ta evaluando pa asina haci un denuncia publico contra tur esnan cu no kier duna placa bek pa unda lo sigui e mesun paso cu a sosode na Peru, habriendo un facebook pagina, pa asina denuncia e estafanan di Flor.

 

 

 

 

 

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.