Honda a keda completamente destrui despues di a accidenta na Jaburibari

Jaburubari – Diasabra anochi laat habitantenan pazuid di Parke Curason ta avisa polis cu un auto lo a caba di accidenta, tambe cu e impacto tawata uno hopi duro.

Mes ora patruyanan di Noord a cuminsa bay e sitio. Na yegada ta bin topa cu un Honda, bou un mata di kwihi completamente destrui. Un cura di cas tambe basha abou.

Na e sitio a wordo bisa cu e cabayero aki tawata biniendo di zuid direccion pa e parke, caminda cu kizas door di velocidad halto a perde control y bay na su man drechi.

Den e maniobra e ta destrui parti di un cura di cas por completo pa despues bay para contra e mata di kwihi.

Ambulance a ser pidi pa controla e cabayero. E cabayero a sali illeso di e accidente.

Leave a Reply

Your email address will not be published. Required fields are marked *

*