Caso LoxSing Paradera: Homber tabata sacudi auto y a grita dos ves pa ayudo “yudami” “yudami”

Segun declaracion di un testigo cu nos redaccion a conversa cune,  a splica cu e auto aki ya tabata staciona na Lox Sing pa 12.or di anochi.

Esey ta e horario cu e testigo a cana bay for di su kamber den vicindario pa Lox Sing, ora el’a mira e auto ta sacudi.  Ora el’a yega poco serca,  e homber a grite pa “yudami”.   Como cu e ta hende muher,  e no ta bay aserca na un hende homber.   El’a cana bay eybanda y a bisa algun otro hende cu e homber ta pidi yudanza.

Segun e dama, testigo, cu na dos ocacion e homber a grite pa yude.  Alaves e ta mira cu e auto ta sacudi, o sea “baila”.

Awe mainta, ora cu el’a nota cu e glas di auto ta gefreeze, el’a bolbe bay wak e situacion y a constata cu e homber lo no ta halando rosea mas.

Aki el’a mira cu e homber ta mara na man cu cabes di stoel cu waya di charger.

Indicacion ta e ora cu e homber a wordo mara den su auto, te cu el’a stik y fayece.

For di vocero di polis, a ricibi e prome informe aki: Awe diadomingo mainta pa 6:40 central di polis ta haya jamada cu lo tin un homber den auto dilanti subway paradera cu no ta duna señal di bida. Na jegada di patrouille ta resulta cu no ta dilanti subway paradera sino dilanti Lox Sing Supermarket Enberdad patrouille ta haya un hende homber cu no ta duna señal di bida. Recherche noord a jega na e sitio,  bfto y slachtofferhulp a jega ne sitio di e sucedido tambe.  Dr Texiera ta constara  pa 7:50 di e hende homber. Te awo no a indentifice . E caso ta bao investigacion. E auto a wordo getakelpa por haci e investigacion.  Cuerpo Policial ta manda palabra di condolencia na famia di e fayecido

One comment

  1. Segun mi “NOS” mester laga tur cos den man di autoridadnan competitivo prome cu divulga ni un punta di palabra na pueblo: pasobra por stroba si ta trata di asesinato: “NOS” pa kaweta cu nos ta por hasi mas malo cu bon si “NOS” scibi, plama, difundi informashon eroneo: esaki ta pa “NOS”

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.