Homber seriamente herida den accidente na Bubali

Bubali: Diaranson algun minuut despues di mey anochi ta sosode un accidente hopi serio riba e caminda di Bubali, un poco mas pariba di Yami Yami. Mesora ta manda ambulance, polis.

Na e sitio enberdad nan ta haya un Peugeot color berde pega contra un cashi coriente, den e auto e chauffeur masculino benta na e banda di pasahero. Esaki por ta un indicacion cu elo no tawata tin su seatbelt bisti.

E chauffeur tawata pega den e auto y mesora polis na e sitio a pidi pa materiaalwagen di brandweer.

Na yegada di materiaalwagen di brandweer, mesora e personal di brandweer ta cuminsa cu e trabounan necesario pa libera e victima. E chauffeur a haya sla serio na cabes y esaki tawata sangra basta.

Despues cu personal di ambulance a trat’e, cu urgencia ambulance ta transporte e pa hospital. Un rato despues a avisa famia, pa nan bay hospitaal.

Segun testigo na e sitio, e auto tabata biniendo di pariba cu velocidad hopi halto y den e bocht ela perde control, hala na su man robes, subi e sero y a bay dal cu e auto parti drechi contra un cashi coriente pega cu un cura di cas.

E caminda a wordo cera pa basta rato, pa specialista di trafico y tambe departamento tecnico (BFTO) por a haci nan investigacionnan.

One comment

  1. Ora polis ta pasa examen di reibewijs no por bisa e hobennan cu ta bai subi trafico cu no tin siguranza riba
    trafico cu velocidad halto: tin ta make it, tin no?

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.