Homber Peruano ta fayece despues cu ela wordo alcansa pa un brommer. Esaki a bira prome morto den trafico pa 2018

Savaneta – Diabierna mainta den careda di 6:30 polis ta bay cu urgencia poco pabou di e crusada di J.R Autocenter.
Agentenan cu a mira e situacion di e victima a solicita pa ambulance cu maximo urgencia.

E victima lo a ricibi trauma pisa na cabes y esaki tawata sangra hopi.
Despues di un rato nan a bin compronde cu e persona lo a wordo alcansa pa un brommer y cu e manehador tambe ta herida.

Dos ambulance a yega e sitio, pero lamentablemente pa e peaton mucho mas no por a wordo haci, si no pa avisa dokter y instancianan concerni.

Pa 7:00 di mainta Dokter De Cuba ta constata morto di e peaton.

Luis Alberto Perez Cortes
Peru 18 februari 1953
Biba na Savaneta.

Mirando unda e incidente a tuma luga, esaki a causa cu trafico mainta a tranca formalmente, tanto pa bay San Nicolas y pa bay Oranjestad, camindanan patras mester a wordo usa pero esakinan tambe tawata congestiona.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.