Homber na stuur di auto ta wordo gedal pa un persona sinta na banda, kibrando su nanishi y poniendo e dal un Kia Rio

Oranjestad – Diamars atardi algo prome cu 6’or polis di trafico y tambe patruya di Playa a bay dilanti entrada di Douane Kantoor. Pa un chauffeur cu nan a maltrata.

Un storia poco straño, pero ya asina e chauffeur indocumenta a conta polisnan.
Bayendo pa e sitio, ariba rotonde di Belgiëstraat, por a wak un Kia Rio color berde para, hunto cune un empleado di Forensys.

E Kia Rio aki a wordo gedal door di e Truck di construccion, maneha pa e chauffeur indocumenta y a sigui bay.
Chauffeur di e Kia Rio un señora manera debe ser a para y avisa kiko a pasa.

Dilanti entrada di oficina di Douane polis ta haya e chauffeur, tur na sanger. Den e auto tambe tawata tin basta sanger.

Su version ta cu un di esnan sinta dilanti hunto cune a dal e, cu un obheto kibra su nanishi cu a sangra profusamente.
Pues esaki lo a pasa yegando e rotonde y pa motibo aki ela manera black out pa un rato y a dal e Kia Rio. Na yegada di polis esun cu a dal e no tawata na e sitio mas.

Version di e señora cu a caba di cumpra e Kia Rio. Su version ta diferente cu di e chauffeur herida.
E chauffeur di e flatback di construccion a bisa cu ta 1 persona so tawata cune y e persona ey a dal e.

Chauffeur di e Kia Rio a bisa cu ta tres hende nan tawata, sinta preta ariba otro y despues cu nan a dal su auto nan tawata na harimento y a sigui bay.

Ambulance a wordo yama pa e chauffeur herida, posiblemente door di su mes un paisano.
E chauffeur a resulta cu e ta indocumenta, esey ta prome cos cu ela bisa polis.

Guarda Nos Costa a keda di pasa Hospitaal despues di tratamento y hibe nan oficina, pendiente un posibel deportacion.

Pues loke ta mustra kizas di porta tawata un joke a sali e homber aki caro, esta un nanishi kibra y tambe wordo deporta.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.