Homber herida, despues di e bay reclama ex di su pareha cu ta dal su yiu

Tanki Leendert – Diasabra merdia den careda di 12’or un homber herida na su brasa ta pidi ayudo na un patruya di polis, pasando altura di Bachue na Tanki Leendert.
E homber tawata tin un brasa na sanger y parse e tawata cu esaki tawata kibra.

Ela splica e agente cu e lo a bay reaclama un otro homber, cu lo a dal su yiu di 10 aña varios wanta.
E agresor cu lo ta ex di mama di su yiu, a reacciona furioso ariba e tata y a atake, door di mande cu bloki y boter.

E tata biologico a haye ta core pa su bida, y pa suerte net un patruya di trafico tawata pasando y mes ora a atende cu esaki.
A pidi mas patruya na e sitio, caminda mes ora a bay over na detene e homber cu a dal e mucha cu no ta su yiu cu wanta varios biaha. Segun nos a compronde, ta un problema di basta tempo andando.

Ambulance a ser pidi pa asisti e victima.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.