Homber haya morto den auto mara cu waya di charger na su man, rond di cabes di stoel

BoletinExtra.com a conversa cu un testigo na sitio unda awe mainta a haya curpa di un homber sin bida den un auto.  Manera ta conoci e auto a wordo haya mainta tempran staciona den parkeerplaats di LoxSing na Paradera ( banda di subway).

E testigo a declara:   Mi tabata canando den cura,  ma yega banda di 12.or di anochi, mi a bay Shap ( banda di Subway) bay cumpra sigaria los, ma wak e auto para eyfo, paga, ora mi ta bin bek abao, ma wak e auto ta sacudi, sacudi, sacudi,  y mi ta wak e homber cu a bisami yudele dos biaha, zo-ie-zo mi ta un muhe, mi no ta bay confia pa yega pa yuda un hende si mi no sa ken e ta, e ora ma bin na e cas bandi pabao,  tabatin poco mucha homber para eynan, ma puntranan si boso por sa kico ta pasando den e auto, cu e homber ta bisami yude,  nan kemen cu “esey ta tira palo den e auto”, mi di cu nan “no”,  e ta un hende so, ta imposibel cu ta su so ta haciendo algo,   despues nan a bisa “Awel esey ta paranoid”.

Ningun hende no a wori cumi y ami no a wori, ma bay den kamber.   Pa 4.or telefon a ring, ma lanta y ma wak pafo, y ma wak e auto, cu glas “gefreeze”.  Mainta ma sali,  ainda mi ta wak e glas “gefreeze”.  Si e auto ta paga, e otro auto no ta gefreeze.  Ma bay wak den bentanta y ma topa cu e cara di e homber.  E ta benta eyden y ma wak e cosnan cu e ta mara na dje.

E tabata tin waya di charger mara na su man, rond di e cabes di stoel.  E tabata ranca ranca ranca y tabata bisami “yudami”, “yudami”.   E auto tabata full cera,  paga, y bentana hisa.

Ta bon pa informa tambe cu e homber a wordo haya sinta den stoel patras!  Cual por indica cu ela wordo mara na otro sitio y treci y laga atras na e sitio aki.

For di polis, nos a haya e siguiente informe: Awe diadomingo mainta pa 6:40 central di polis ta haya jamada cu lo tin un homber den auto dilanti subway paradera cu no ta duna señal di bida. Na jegada di patrouille ta resulta cu no ta dilanti subway paradera sino dilanti Lox Sing Supermarket Enberdad patrouille ta haya un hende homber cu no ta duna señal di bida. Recherche noord a jega na e sitio,  bfto y slachtofferhulp a jega ne sitio di e sucedido tambe.  Dr Texiera ta constara  pa 7:50 di e hende homber. Te awo no a indentifice . E caso ta bao investigacion. E auto a wordo getakelpa por haci e investigacion.  Cuerpo Policial ta manda palabra di condolencia na famia di e fayecido.

Pa 1.or di merdia polis a informa e indentidad di e persona:  Ta trata di G.J.K. naci na Aruba dia 30 di Juni 1971.  Presuntamente lo ta trata aki di faam KOCK.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.