Homber gara cu cuatro piedra di base y cocaina

Diahuebs den oranan di madruga Polisnan di Noord ta topa un persona haciendo sospechoso y ora a bay averigua, a bin hay’e cu piedra di cocaína.

E patruya tabata coriendo den nan wijk, esta banda di Seroe Janchi den careda di 2’or di madruga. Nan tabata pasando banda di dam di Moko ora cu nan a topa cu un bicicleta biniendo di e otro direccion, sin iluminacion. Mesora a ripara cu ta trata di e conoci di nan EJM di 57 aña. A mira cu e homber aki tabatin algun emchi colga na su bicicleta. A cuminsa averigua di unda el a haya e emchinan aki. El a bisa cu e no a horta nan pero a haya esaki di famia W. A puntr’e di biaha si e tin algo ilegal cun’e y el a contesta afirmativamente. Den su saco di carson robes a bin haya un tubo preto. Ora cu a habri esaki a haya 4 piedra di base di cocaina.

Polisnan a bis’e cu nan ta confisca e droga aki. Ta wordo sospecha cu e droga aki el a hay’e tambe di famia W. Pero e mes ta bisa cu el a haya esakinan tira na suela cerca di e dam. A dun’e un skwal y a mand’e su cas.

Leave a Reply

Your email address will not be published. Required fields are marked *

*