Homber di edad asalta y laga herida atras den Celsuistraat

Celsiusstraat – Aña nobo anochi polis ta wordo manda den Celsiusstraat pa un homber drumi banda di caminda.

Na yegada polisnan ta papia cu algun persona cu a meld polis di e caso. Segun esnan na e sitio, nan lo tawata pasando den e caya y a wak e cabayero di edad aki benta abou.
Mes ora nan a baha  pa wak kiko a pasa, caminda a bin sali na cla cu “nan” lo a atake di patras y cu forsa bruta dale y bay cu su pertenencianan, pues segun nos a compronde su cartera.
E cabayero a keda den e mes un posicion drumi te ora ambulance a yega. Na yegada di ambulance nan a constata cu ela haya un golpi fuerte patras di su cabes, cu a lage zonza y malo alabes. Paramedico a dicidi pa hibe hospitaal pa nan por bay scan e golpi fuerte cu e la haya y mirando cu e no ta un persona poco grandi caba.
Na e sitio nos a wordo informa cu den e area eynan esta den Companashi, lo tin un grupo cu lo ta tras di e asaltonan aki. Esaki no ta prome, ta varios caso tin registra caba.
Autoridad lo mester contact e habitantenan cu ta biba eybanda y asina haya e informacionnan corecto pa actua.
Di e manera aki nan ta keda hacie te ora un morto cay.
Pues esnan eybanda sa cu tin algun hende ta comete e asaltonan aki, pero kizas pa miedo no ta papia y bisa exactamente ken nan ta.
Ban spera cu autoridad tuma e caso nan aki hopi na serio y haci loke mester wordo haci pa asina gara esnan responsabel.

Leave a Reply

Your email address will not be published. Required fields are marked *

*