Homber cu tawata tin arma di candela cune, deteni pa polis

Paradera – Diasabra marduga varios patruya a bay e parkeer plaats pariba di Citgo Paradera. Pa mas o menos 1:55 polis a haya un yamada telefonico, cu den Tinashi tin un homber arma.
E arma di candela lo tawata den e saco di carson patras di e homber.

Informacion cu polis a haya tawata papia di un homber color cla, cu barba, y tin un t-shirt color preto bisti y un short color di kaki. Na yegada di polis banda pabou di e luga nan ta topa cu un homber cu ta cuadra cu e persona describi. Durante cu polisnan tawata acercando e homber, mes ora nan a nota cu e homber tin algo den su saco di carson patras.

Polisnan a dune ordo pa hisa ambos man na halto, loke ela cumpli cune tambe. Agentenan a hinca man y coy e arma di candela. Mes ora e homber di inicial F a wordo deteni, ariba violacion di artikel 3 di Vuurwapenverordening y artikel 1 di Wapenverodening.

Ela wordo transporta pa warda di Playa.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.