Homber cu golpi di cabes serio, despues di a wordo maltrata na South Beach

South Beach – Diasabra marduga 2’or pasa, varios unidad policial a bay patras Rembrandt na South Beach.
E motibo tawata cu un persona lo a wordo seriamente maltrata y posiblemente no tawata duna seƱal di bida.

Na yegada e homber tawata halando rosea, pues e ta na bida.
Solamente cu e ta seriamente herida, door cu sanger lo tawata saliendo for di horea.

Esaki ta un indicacion cu e victima a sufri golpi fuerte na su cabes.
Segun informacionnan, e homber aki a wordo maltrata door di un otro homber.
La ta trata di homber di postura gordo. Autoridad lo sa mas o menos ken ta esun cu lo a maltrata e homber.

Posiblemente lo tawata trata di un problema y cu lo a caba momento cu a agresor a hisa e victima y lage cay ariba su cabes.
Ambulance a transporta e homber cu urgencia pa hospitaal.

Departamento tecnico (BFTO), a ser pidi na e sitio pa saca potret di e sitio unda e incidente a sosode.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.