Homber cu a menasa hende cu morto deteni na su cas na Paradera

Paradera: Dialuna pa mas o menos 5’or y mey di atardi. Team di recherche di Oranjestad hunto cu dos patruya di polis ta bay na un adres na Paradera y ta detene un persona buska pa Husticia.

E team di recherche hunto cu polis a yega na e cas di e sospechoso L.A.M. E momento ey e tabata su so na cas, sinta dilanti di su cas. Na prome instante e sospechoso a trata di core bay, pero no a logra huy.

Polis a detene y a move mesora cune for di dilanti di e cas, pa evita cu mientras nan tabata wardando riba transportwagen, familiaresnan yega na e cas y haya un confrontacion cu nan.

E sospechoso L.A.M. tabata wordo buska pa intento di asesinato, maltrata y secuestro.

Cu Transportwagen di polis ela wordo transporta pa Warda di polis.

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.