Homber burachi a para su Mercedez Benz mey mey caminda na Paradera

Paradera – Diasabra marduga 3’or pasa polis a bay e rotonde chikito pariba di Santana na Paradera, pa un auto mey mey caminda para.

Na yegada di polis, nan a topa cu un Mercedes-Benz dos porta. Na stuur un chauffeur manera ta perdi e ta.
Agentenan mes ora a constata cu e ta bebi.
Pa tur cos bay manera ley ta stipula, a pidi un otro patruya pa trece e un aparato yama “Alcohol Sensor”.
Despues di algun minuut un patruya a trece e aparato y a laga e meneer supla.
Ela purba algun biaha y esaki no a bay bon. Na final ela supla y e machine a marca cu ela pasa e limite stipula pa ley.
Agentenan a bise su derecho y tambe cu ela keda deteni pa core auto bou influencia.

Leave a Reply

Your email address will not be published. Required fields are marked *

*