Homber bou influencia deteni despues di a persigui su pareha den un otro auto y tabata dal cu e auto contra su pareha su auto

Kamay/ Topaz: Dialuna 12’or y mey di anochi polis ta wordo pidi cu urgencia pa un problema di pareha cu a bay for di man.

Polis cu urgencia a wordo pidi na altura di Ting Wei na Rooi Santo, pa motibo cu e cabayero tras di stuur di un Altezza Shinishi tabata persigiendo un Nissan March cora, den cual su pareha lo tabata den, e Altezza tabata dal den e Nissan March. Na dado momento informacion a drenta cu e pareha ta dilanti di Yen Yen y cu e March tin flat tire, pero nan tabata keda dal den otro, cu hopi urgencia polis a bay na e sitio.

Na yegada enberdad nan ta topa cu e dos autonan , e chauffeur di e Altezza ta mira polis y ta cuminsa bay direccion panort, mesora un di e patruyanan ta sigui’e, e ta core bay su cas na Topaz, caminda polis ta deten’e y ta confisca e Altezza Shinishi.

E dama a keda dilanti Ng Supermarket na Kamay y e la splica e polisnan cu e homber a yega cas bou influencia di un of otro substancia y tabata haci problema. E altezza ta di su cuña, esta di ruman muher di e homber.

Leave a Reply

Your email address will not be published. Required fields are marked *

*