Homber agresivo ta destrui varios bentana y ta corta su mes seriamente

Alto Vista – Diadomingo marduga den careda di 1’or polis ta bay un adres na Alto Vista pa problema entre bisiña. Na yegada di polis a papia cu ambos y avisanan pa stop e problema y nan bay drumi.

Berdad polis a bay di e sitio, keriendo cu nan lo a bay sosega.
Algun minuut despues informacion a drenta cu un di e personanan lo a pasa su man den glas.

Patruya a bolbe bay e adres y mirando con serio e homber a corta ariba su pols a pidi ambulance cu urgencia. Ela haya un corta cu tawata spuit basta sanger. Agentenan a purba mara e herida te ora ambulance a yega.

A constata tambe cu e homber a destrui un cantidad di bentana y tambe glad di auto, aki ta caminda a dicidi tambe pa informa departamento tecnico di polis pa saca potret.

E homber cu a comete tur e destruccion aki despues di a haya atencion medico, a wordo deteni tambe.

Leave a Reply

Your email address will not be published. Required fields are marked *

*