Homber a wordo maltrata door di un grupo di homber y muhe

Palm Beach – Diasabra marduga den careda di 4’or polis ta haya informacion di un pelea na Eclpise Nightclub. Eynan un homber lo a haya basta sla y a keda seriamente herida.
Na yegada di patruya nan ta topa un Kia Sportage saliendo di e parkeer plaats di e Nightclub. Algun persona a informa polisnan mes ora, cu den e vehiculo eynan e agresornan ta.

Un otro patruya den cercania a bay stop e Kia Sportage. Polisnan a bin topa cu e homber herida otro banda di caminda, ariba acera.
E homber aki probablemente a bay purba stop un pelea, pero esnan envolvi lo a bira contra dje, caminda te hasta un muhe a dal e cu un boter na su cabes.

Esey no ta tur, segun nos a compronde ora ela trompica y cay nan a sigui skop e tur caminda, pues un grupo abusando di 1 persona. Momento cu nan a tende cu polisnan ta yeganda, nan a subi e auto Kia Sportage y bandona e sitio.

Den e Sportage polis ta bin topa mas tanto hende muhe y entre nan esun cu a agredi e homber cu e boter, e resto di grupo cu ta algun homber a core bay sconde den Lekker.
Pero polisnan a wordo informa di ken nan ta y asina a logra detene tur.

Ambulance cu a yega na e sitio a atende e victima y nan a bay direccion Hospitaal cune.

Leave a Reply

Your email address will not be published. Required fields are marked *

*